---------- Forwarded message ----------
From: nada kassass <nkassass[at]yahoo.com>
To:
arabian2000@yahoogroups.com ,
BOYCOTT_AMERICAN_PRODUCTS@yahoogroups.com,
el_ma7rousa@yahoogroups.com,
Intifada@yahoogroups.com,
karama@yahoogroups.com,
resistant_alliance@yahoogroups.com,
shabab_kefaya@yahoogroups.com,
egyptculture_chat@yahoogroups.com,
Sindbad_Cafe@yahoogroups.com,
Al-3eraq@yahoogroups.com,
political_culture@yahoogroups.com,
takadom@yahoogroups.com,
BasemOnLine@yahoogroups.com,
shbab_kefaya@yahoogroups.com,
FreePalestine_news@yahoogroups.co.uk,
Do_Something@yahoogroups.com,
iraqoccupation@yahoogroups.com,
bshayer_forum@yahoogroups.com,
jamal_abdul_nasser@yahoogroups.com,
muqawama@yahoogroups.com,
LEBANONVIEW@yahoogroups.com,
mona_saeed@yahoogroups.com,
OROOBA@yahoogroups.com,
alhakieka@yahoogroups.comDate: Tue, 11 Sep 2007 06:21:06 -0700 (PDT)
Subject: ÕæÑ ÑÍáÉ ÊÝÞÏ ÇÍæÇá ÇáÚÇáÞíä Ýì ÇáÚÑíÔ-2-ãÎíãÇÊ áÇÌÆí 2007
مش عارفة ليه أصبحت صورة الخيمة مرتبطة فى ذهنى بالفلسطيني...هل أصبح قدر الفلسطيني ان ينتقل من مخيم الى آخر؟! ان يحيا دوما حياة مؤقتة..بعيدة عن الاستقرار؟!...كيف تنعكس مثل هذه الحياة على طبيعة البشر؟!
مازال فى العريش عدد من العالقين:
- اولا ال20 المحتجزين فى قسم الشرطة..وهؤلاء يمكنهم المرور من معبر العوجة ماعدا واحد فقط...تبع حماس..واسمه على قائمة المطلوبين.
- 40 اغلبهم محسوبين على حماس...موزعين بين الاهالى فى منطقة الاحراش برفح...وبالطبع لن يستطيعوا المرور من معبر العوجة او من غيره ما عدا معبر رفح...
- 36 فى المطار...وقد تحدثنا مع أحدهم عبر الهاتف الجوال، وسجلنا حديثنا معه وسندرجه فى رسائل تالية...وأكد لنا ان فتح معبر العوجة ليس حلا...خاصة ان 8-9 من المحتجزين فى المطار فقط يستطيعون المرور منه، اما الباقين فهم مطلوبين لسلطات الاحتلال..
فاصرار الحكومة المصرية على مرورهم من معبر آخر غير معبر رفح، يعد تسليما لهؤلاء لسلطات الاحتلال!!
- 180 - 200 فى معسكر الجيش فى رفح...اغلبهم ينتمون لفتح، بعضهم ينتمى للاجهزة الامنية وبعضهم لفصائل المقاومة...وبعضهم مدنين لا علاقة لهم بالعمل العسكرى. العامل المشترك بينهم انهم هربوا من الاوضاع السائدة الان فى غزة...ويخشون العودة من طرفين حماس والاحتلال!!
- 67 من عائلة بكر موجودين فى معسكر الجيش فى العريش، وقد التقينا بهم وسجلنا معهم حوارا طويلا سندرجه كاملا...بعضهم يعمل فى الاجهزة الامنية، واغلبهم ينتمى لتنظيم فتح...لكن بينهم من لا علاقة له لا بالاجهزة ولا بالتنظيم...فقط ينتمى لعائلة بكر!!
يعنى النزاع فى غزة ليس فصائلى فقط بل ايضا عشائرى وقبائلى!!!
- كمان فيه 75 فى مخيم مركز شباب العريش...اغلبهم مدنيين عاديين..ومع ذلك بعضهم لا يستطيع المرور الا من معبر رفح...
مخيمات لاجئين 2007 فى العريش - مركز شباب العريش:
دول طلاب جامعة فى غزة عاوزين يروحوا يكملوا تعليمهم
اول واحد ده اللى لابس قميص كاروهات، ميقدرش يروح من معبر العوجة وبقاله 3 شهور فى العريش...ومش عارف حيروح ازاى...معندوش مشاكل مع حماس بس عنده مشكلة مع الاحتلال
هكذا يقضوا وقتهم وهكذا ينامون...مفترشين الارض وملتحفين السما...
بس كيف بيتحملوا يناموا بالشكل ده لما يدخل الشتا؟!
يلا شباب حضروا البطاطين...
فرش النوم فى طرقات مركز الشباب...ع البلاط!!!!
هل قدر الفلسطينى ان يمضى حياته بين المخيمات؟!!
المرة دى محدش سائل فيهم لا هلال أحمر...ولا لجنة الاغاثة (اظاهر حسدناها)...ولا السفارة الفلسطينية...ولا حد نهائى!!!
مجموعة من السيدات يتسامرن وقت العصارى...اللى لابسه طرحة بيج دى مصرية متزوجة فلسطيني..جت تزور اهلها..اتحجزت مع اخواتها ع الحدود...الغريبة ان بينها وبين اخواتها -فى الحقيقة- محستش خالص ان فيه حدود!!!
خيمة ونخلة وشمس وارض رملية...هى كل ما يحتاجه الفلسطيني..ليس فقط ليحيا بل ليصنع حياة...شعب جبار بالفعل...عجيب!!
بتوووووووووووووووول...منورة مصر كلها يا بتول...حمد الله على السلامة...:))
بتول طفلة عمرها ايام اتولدت فى المخيم...بس اخواتها هناك فى غزة...
اللى فى الوش على طول ده ولابس قميص أبيض..طبيب..جه يكشف على "بتول"...لاقيته واقف يخطب وسط الناس: "اللى عاوز علاج او كشف او ادوية وبيشتكى من اى حاجة يتفضل يجي عندنا فى مستشفى العريش احنا بنتعهد بتقديم كل الرعاية والخدمات الصحية"
كان شكله حلو اوى ويفرح كده...كان نفسى اقوله لو انت رئيسنا كنت اتشرفت بيك اوى اكتر من العرة اللى حاكمنا...
معلش الصورة مش واضحة اصلها لمخيم ولاد بكر داخل منطقة عسكرية وانا كنت باخد الصور هناك سرقة كده...مفروض ان المخيم فى الاخر خااااالص
اهو يمكن هنا اضوح شوية
كده اوضح خالص اهو
دول بأة ولاد دار بكر..ودول قصتهم حكاية...اغلبهم فتحاوية...واغلبهم فى الاجهزة الامنية..لكن فيه منهم لا هو فى فتح ولا هو فى الاجهزة الامنية...مشكلتهم عشائرية...وعندهم تار مع حماس!!
اه والنعمة زى ما بحكى لكم كده
يعنى مش كفاية القتل ع الهوية السياسية دلوقت فى غزة
لا كمان فيه قتل على الانتماء العشائري كمان!!!
كل الحكاية ان دار اولاد بكر مكانه بين القوة التنفيذية ومقر الرئاسة فى غزة...وعلشان القوة التنفيذية توصل لمقر الرئاسة وتسيطر عليه..كان لازم تزيح ولاد بكر من السكة..بس..ووقع الاشتباك..
اربعة ايام التنفيذية محاصرة دار بكر...والاشتباكات دائرة بينهم...ووقع 70 قتيل من الطرفين!!!!!!!!!!!
سجلنا معهم حوار مهم خالص حننزله كاملا...
عاطف بكر عميد الاسرة وقائد مخيمهم...وكان ملقب بحوت غزة...واحد من اعظم المقاومين الفتحاويين...المعلومات دى عرفتها عنه بعد ما رجعت من الاخ العزيز عونى زنون ابو السعيد، لداوى بس عايش فى غزة...لما عرفتها كنت عاوزة ارجع اسجل مع عاطف بكر لوحده...مين عارف يمكن يكون فيه نصيب ونلتقى معه مرة تانية
واحنا بنتكلم معه المجموعة كان عاطف بكر اغلب الوقت ساكت...فى الحقيقة كانت المجموعة مشحونة جامد من حماس...وكل ما نقول لهم كلمة نقد لسلطة اوسلو وتيار اوسلو الفتحاوى...يتشنجوا ويأكدوا ان دى دعايات حماس وافتراءات حماس!! كان واضح انهم مش شايفين الا عدائهم لحماس وعداء حماس لهم...فصرخنا فيهم: يا عيني عليك يا فلسطين ارض وشعب وقضية...ضاعوا كلهم بين رجليكم انتم وحماس...وقتها غادرنا عاطف بكر...كأننا ضغطنا على جرحه! 
على فكرة البضايع (الاسرائيلية) مغرقة العريش..
التجار هناك بيقولوا ان الناس هناك بتطلبها لانها انضف وارخص...اعتقد المسألة محتاجة حملة مقاطعة هناك...ضرورى...بصراحة قهرنى اوى منظر البضايع (الاسرائيلي) وحجم انتشارها والاقبال عليها...والتعامل معها باعتبارها شئ عادى كده بل ومستحسن!!!!!!!!!
عاوزة اعترف لكم انى مفتونة بالطريق من العريش لرفح...مش عارفة ليه...اكدب لو اقول اى كلام فاضى من نوع اصل المناظر الطبيعية..اصل ذكرى الحروب والشهدا...اصل ريحة فلسطين فيها...مش عارفة السبب...بس انا مفتونة بيها وخلاص
دى الشيخ زويد..الميدان الرئيسي هنالك
برضه الشيخ زويد...فيه حاجة فى سينا مش طبيعية...مش عارفة احكى لكم عليها
برضه الطريق الى رفح...
وانا راجعة من هناك افتكرت ابويا...الله يرحمه...اصله فى 56 رجع من هناك مشى
فى الرسائل القادمة سندرج تسجيلات الصوت والفيديو اللى سجلناها هناك،
تحياتى،
ندى
You received this message because you are subscribed to the Yahoo Groups "Do_Something" group.
To post to this group, send email to
do_something@yahoogroups.com To unsubscribe from this group, send email to
do_something-unsubscribe@yahoogroups.com For more options, visit this group at
http://groups.yahoo.com/group/Do_SomethingGroup website:
http://dosomethinggroups.jeeran.comGroup Movies:
http://www.youtube.com/user/dosomethinggroupsPress Link:
http://zionists.blogspot.com التسميات: Rafah Crossing
